Klopp: Pengo la Salah, Mane Halizibiki

MENEJA wa Liverpool Jurgen Klopp hana mpango wa kutafuta suluhu za dirisha la uhamisho la wachezaji Mohamed Salah, Sadio Mane na Naby Keita ambao wataondoka na kwenda kushiriki Kombe la Mataifa ya Afrika (AFCON) kwa karibu mwezi mzima.

Bosi huyo wa Anfield anaweza kukosa angalau wachezaji wawili kati ya watatu kwa mwezi mmoja kuanzia mwanzoni mwa Januari wakati Salah wa Misri na Mane wa Senegal watakapokuwa nje kushiriki AFCON. “Ni vigumu kuziba nafasi zao,” amesema.

Michuano ya AFCON inaning'inia huku waandaaji wakisisitiza kuwa bado itafanyika licha ya ripoti zilizoenea kwamba huenda ikalazimika kutupiliwa mbali kutokana na janga la virusi vya Omicron linaloenea kwa kasi.

Licha ya kutokuwa na uhakika, Klopp alisisitiza kabla ya mechi kati ya timu yake na Newcastle kwenye Uwanja wa Anfield Alhamisi usiku kwamba hataingia kwenye soko la uhamisho kuziba nafasi za wachezaji ambao wataondoka.

"Tulijua watatu wangefuzu na kuwepo na tulijua kwamba angalau wawili kati yao watafika mbali sana kwenye dimba," alisema Klopp.

'Je, unaweza kuwa tayari kwa kitu kama hicho, vizuri, kikamilifu? Kama mbadala wa Sadio, badala ya Mo, badala ya Naby? Hilo ni gumu katika kila hali lakini nina furaha na kikosi na tuna chaguzi za kucheza na bado kucheza soka.