Bila chanjo hutaruhusiwa kuiona AFCON
Shirikisho la Kandanda barani Afrika CAF, limesema mashabiki watakaoruhusiwa kuingia viwanjani kwenye mechi za Kombe la Mataifa Afrika AFCON 2022 ni wale ambao kwanza wamepata chanjo, kisha kuwa na matokeo chanya ya vipimo.
Katika taarifa iliyotolewa kwa ujumla baina ya Shirikisho la Mpira wa Miguu Afrika na lile la Cameroon FECAFOOT limesema kuwa mashindano hayo yataendelea licha ya kuwepo na hofu ya virusi vya Covid-19 ambapo michuano hiyo itachezwa kuanzia Januari 9 mpaka Februari 6.
“Mashabiki watakaoruhusiwa kuingia viwanjani kwenye mechi za michuano ya AFCON mwakani ni wale ambao wamepata chanjo kisha kuwa hasi kimatokeo kwa kuwa na kibali rasmi ya kuonyesha uhasi wake”, ilisema taarifa hiyo.
“Mamlaka za afya zitachukua kila hatua kujaribu kudhibiti maambukizi ya virusi vya Covid-19”.