Ulinzi waimarishwa kuelekea Kariakoo Dabi

Kamanda wa Polisi Kanda maalum ya Dar es Salaam, Jumanne Mliro amesema jeshi la Polisi limejipanga kuimarisha ulinzi kwenye mchezo wa kesho wa ligi Kuu ya NBC kati ya Simba na Yanga.

Akizungumza na Waandishi wa Habari jijini Dar es Salaam, Mliro amesema hakuna mtu yeyeto atakayeruhusiwa kuingia na silaha zaidi ya Askari Polisi ambao watakuwa kwenye zamu.

Aidha ameongeza kuwa magari yote yatakayo ruhusiwa kuingia uwanjani ni yale yenye kadi maalum huku akisema njia za kuingilia uwanjani hapo na kutoka zitakuwa na ulinzi ili wananchi wapite kwa usalama zaidi.