Sumaye: Lowassa akitaka jambo lake lazima liwe

Waziri Mkuu Mstaafu, Hayati Edward Lowassa alikuwa akitaka jambo lake lazima liwe katika kipindi cha uhai wake.

Kauli hiyo imetolewa leo na Waziri Mkuu Mstaafu Frederick Sumaye wakati akitoa neno lake la mwisho katika hafla ya kuuaga mwili wa Lowassa katika viwanja vya Karimjee Dar es Salaam.

“Edward Lowassa alikuwa akitaka jambo lake lazima liwe tunasherehekea maisha yake kwa busara zake ambazo alizionesha katika uongozi wake,”

“Kwa maisha yake aliyoishi hapa duniani ameishi maisha ya kutukuka, maisha yakutoa huduma mbalimbali, na maisha ya kuchapa kazi alizokabidhiwa, Mungu amemchukua lakini tuna mengi ya kumkumbuka,” amesema Frederick Sumaye.