Mama asafiri kutoka Shinyanga hadi Dar kumuaga Lowassa

Safari ya kilomita 987.8 inayochukua takriban saa 16 kwa gari, haikuwa kikwazo kwa Melle Madandu, kutoa salamu za mwisho kwa Waziri Mkuu mstaafu, Edward Lowassa jijini Dar es Salaam.

Melle, aliyefunga safari kutoka Kagongwa mkoani Shinyanga hadi Dar es Salaam kutoa salamu za mwisho kwa Lowassa, anasema aliyofanyiwa na mwanasiasa huyo ndiyo yaliyomsababisha afunge safari hiyo.

Kulingana na mwanamama huyo, mwaka 2006 Lowassa alimsaidia ada ya masomo ya chuo kikuu ya mwanaye, ambaye awali hakuwa na tumaini la kuhitimu elimu hiyo ya juu.