Mayele: Tunalitaka kombe tena

Mshambuliaji wa Yanga, Fiston Mayele amesema kuwa kazi kubwa ambayo wataifanya ni kushirikiana kusaka ushindi mpaka kutwaa taji la Azam Sports Federation.

Yanga ni mabingwa watetezi wakiwa wametinga hatua ya nusu fainali kwa ushindi wa bao 1-0 Geita Gold uliochezwa Uwanja wa Azam Complex.

Mayele alifunga bao pekee la ushindi dhidi ya Geita Gold ambalo limeipa nafasi ya kutinga nusu fainali na inatarajiwa kumenyana na Singida Big Stars katika hatua ya nusu fainali.

Mayele amesema: “Tuna kazi kubwa ya kufanya katika Azam Sports Federation na kufika hatua ya nusu fainali haikuwa kazi nyepesi tunahitaji kupambana ili kutwaa taji hilo.

“Ushindi wetu dhidi ya Geita Gold unatupa nafasi kutinga hatua ya nusu fainali na tutapambana na Singida Big Stars ambayo ni timu imara kwani kwenye ligi inafanya vizuri.”