Mwili wa mwanamke wapatikana umetupwa nje ya nyumba

Kulingana na polisi, mwili ambao bado ni mbichi - ulikuwa na jeraha upande wa kulia wa uso na kwenye jicho la kulia.

Mwili wa mwanamke wa umri wa makamo ambaye hajatambuliwa amepatikana ukiwa umefungwa kwenye sanduku na kutupwa nje ya nyumba za kukodisha eneo la Kamakis kwenye Barabara ya Mashariki ya Ruiru, Kaunti ya Kiambu.

Kulingana na polisi, mwili ambao bado ni mbichi - ulikuwa na jeraha upande wa kulia wa uso na kwenye jicho la kulia.

Polisi wamedai kuwa huenda marehemu aliuawa kwingine na mwili kuangushwa katika eneo hilo jana usiku.

“Hakuna mtu ambaye ameweza kutambua mwili; anaonekana kama alikuwa na umri wa miaka ishirini. Hakuna majeraha makubwa ya mwili isipokuwa moja kidogo upande wa kulia wa uso wake, anaweza kuwa amepondwa ukutani,” Ruiru DCIO Justus Ombati alisema.

Wakazi wa eneo hilo wakiongozwa na Chifu wa Gikumari Joseph Ndwiga walikashifu kitendo hicho na kukitaja kuwa kisicho cha kibinadamu.

"Hatujawahi kuona kitu kama hiki hapa, tumeshtushwa sana na tunaomba mamlaka zinazohusika zilichukue suala hili kwa uchunguzi sahihi na wa mwisho." Ndwiga alisema.

Maafisa kutoka Kituo cha Polisi cha Ruiru wamekusanya ushahidi na maelezo ambayo yatawasaidia kutambua mwili huo, na kisha kuuhamishia katika chumba cha kuhifadhi maiti cha City kusubiri uchunguzi wa maiti.