Ufunguzi Euro 2024 Pazia kufunguliwa leo

Pazia la michuano ya kombe la Mataifa Ulaya 2024 (EURO 2024) linafunguliwa rasmi leo Juni 14, 2024 kwa mchezo mmoja ambapo wenyeji Ujerumani watachuana na Scotland katika dimba la Allianz Arena (Munich) majira ya saa 4:00 usiku.

Ujerumani inaingia kwenye michuano ya mwaka huu wakihitaji kufuta ukame wa miaka 28 wa kombe hilo huku wakiangazia kutwaa ubingwa wa EURO kwa mara ya nne kihistoria baada ya kutwaa mwaka 1972, 1980 na 1996.

Katika kampeni ya kufuzu michuano hii Scotland ilionesha uharari wake baada ya kuzichapa Uhispania na Norway lakini timu hiyo ina rekodi mbaya dhidi ya Ujerumani ikishinda mara moja tu kati ya 13 zilizopita dhidi ya Ujerumani na hiyo ilikuwa zaidi ya miaka 25 iliyopita 1-0 katika mechi ya kirafiki mnamo Aprili 1999.

22:00 | Ujerumani vs Scotland

Allianz Arena (Munich)

EURO 2024