Tunisia Yatoa Kipigo kwa Mauritania 4-0 Afcon 2021

Tunisia imerudi kwenye njia za ushindi baada ya kuipiga 4-0 Mauritania katika mchezo wa pili wa Kombe la Mataifa Bingwa Afrika AFCON 2021 mchezo wa Kundi F.

Hamza Mathlouthi alifunga goli la kwanza kwa Tunisia ikiwa ni dakika nne tangia mpira kuanza kabla ya kiungo mshambuliaji Wahbi Khazri kuongeza bao la pili kwa Tunisia na kufanya matokeo kuwa 2-0, hali iliyofanya hata kutokumbuka kwenye mechi iliyopita ya Mali.

Khazri alifunga goli la pili kabla ya mapumziko na Seifeddine Jaziri anahitimisha furaha ya ushindi kwa kichapo cha goli nne kwa nunge.

Ushindi huo unaifanya Tunisia kufikisha alama tatu kwenye nafasi ya tatu, nafasi ya kwanza na ya pili inashikwa na Gambia na mali zenye pointi nne kila mmoja baada ya timu zote kucheza mechi mbili kundi hilo F.

Siku ya ijumaa, Tunisia itacheza na Gambia wakati Mali itapepetana vikali na Mauritania ambao wamefungwa mechi zote mbili za awali.