Misri wataka Mechi ya Fainali AFCON isogezwe mbele

Kocha msaidizi wa timu ya Taifa ya Misri, Diaa al-Sayed amewataka waandaaji wa mashindano ya AFCON kufikiria kuihamishia mechi ya Fainali siku ya Jumatatu badala ya Jumapili.

Madai hayo yanakuja kwa hoja kwamba, wapinzani wao Senegal wamepata siku ya ziada ya kupumzika na kujiandaa.

"Ninataka kuwaeleza maafisa wote wa shirikisho la soka Afrika, CAF kwamba Senegal wamepata siku ya ziada ya kujianda, kwa hiyo, pengine mechi ya fainal ingehamishiwa Jumatatu" amesema kocha msaidizi wa Misri Diaa al-Sayed.