Kocha wa Sevilla atimuliwa

Sevilla imemfuta kazi kocha Jorge Sampaoli na imemteua Jose Luis Mendilibar kuwa kocha mpya hadi June 2023.

Sampaoli aliteuliwa kuwa kocha mkuu wa klabu hiyo mwezi Oktoba mwaka Jana akichukua nafasi ya Julen Lopetegui na alisimamia mechi 31 katika mashindano yote.

Katika mechi 31 akiwa katika klabu hiyo, amefungwa mechi 12, akitoka sare mechi 6 na kupata ushindi mechi 13 pekee.

Sevilla italipa ada ya fidia ya zaidi ya Euro milioni 10 kwa kukatisha mkataba wake kabla ya wakati, mkataba wa Sevilla na Jorge Sampaoli ulikuwa unafikia tamati June 2024.