Messi
Beki wa Barcelona, Ronald Araujo, amefunguka kuwa, kama Lionel Messi atarejea hapo basi atakuwa msaada kwao kushinda taji la Ligi ya Mabingwa Ulaya.
Messi ambaye anamalizika mkataba wake ndani ya Paris Saint-Germain, amekuwa akihusishwa kurejea ndani ya Barcelona. Araujo alibahatika kucheza na Messi kabla ya staa huyo hajatimkia PSG alipo sasa.
Beki huyo amesema kuwa anatamani kuona staa huyo akirejea ndani ya klabu hiyo. Araujo alisema: “Natamani kuona Messi anarudi Barcelona. Ni mchezaji bora duniani na hapa ni nyumbani kwake.
“Akirejea litakuwa jambo zuri kwani atakuwa msaada kwetu katika kuwania taji la Ligi ya Mabingwa Ulaya.”
Messi aliondoka Barcelona mwaka 2021 kipindi cha majira ya joto, kipindi akiwa hapo alishinda mataji yote kwa levo ya klabu.