Rais Samia alipia ndege Yanga kwenda Mbeya

Yanga itarudi uwanjani tena kesho Juni 6 kucheza dhidi ya Mbeya City mechi ya Ligi Kuu na leo usiku Juni 5 watapata chakula na Rais Samia Suluhu Ikulu Dar.

Katika kuonyesha umuhimu wa mwaliko huo maalum walioupata Yanga kwa kushinda nafasi ya pili Kombe la Shirikisho safari yao ambayo awali ilibidi waondoke saa 1 usiku, Rais wa Yanga Hersi Said akihojiwa na kituo cha Radio cha Wasafi leo Juniamesema Rais Samia amelipia ndege maalum ili waondoke saa 5 usiku.

“Ndege yetu kwenda Mbeya kwenye mchezo wa Ligi Kuu ilikuwa ni saa 1 usiku lakini Rais ametualika Dinner (chakula cha usiku) baada ya kutoa taarifa yetu kuwa Safari yetu ni saa moja, Rais amelipa ndege maalum itakayoipeleka Yanga Mbeya, ndege itaondoka Dar es Salaam saa 5 usiku,” amesema Hersi.