Ofisa uvuvi auawa na mfanyakazi wake wa ndani

Polisi mjini Kilifi nchini Kenya wanachunguza mauaji ya afisa mkuu wa kaunti ya Uvuvi na Uchumi wa Bluu, Rahab Karisa, ambaye alikutwa amekufa nyumbani kwake mnamo Alhamisi, Julai 20.

Uchunguzi wa awali unaonyesha kuwa Rahab alidaiwa kuchomwa kisu hadi kufa na mfanyakazi  wa nyumba yake ambaye tangu wakati huo ametoweka.

Akithibitisha kisa hicho kupitia gazeti la Standard , Kamanda wa Polisi Kaunti ya Kilifi Fatuma Hadi alisema kuwa  Rahab alichomwa kisu na kuuawa hadi kufa, polisi wanafuatilia kwa karibu kesi hiyo na tayari wamepanga kuwahoji mashahidi wachache wakiwemo wale waliosikia vurugu hizo.

Mwili wa marehemu tangu wakati huo umepelekwa katika chumba cha kuhifadhia maiti cha Hospitali ya Kilifi.