Mastaa Yanga watakaoikosa Dabi hawa hapa

Kocha Msaidizi wa Yanga, Cedric Kaze ameweka wazi kuwa kwenye mchezo wa kesho wa “Derby ya Kariakoo” dhidi ya Simba, Yanga wataikosa huduma ya golikipa Aboutwaleeb Mshery na Beki Mamadou Doumbia tu lakini wachezaji wengine wote wako Fiti.

Kaze amesema Mshery bado yuko kwenye matibabu na Beki Doumbia amesafiri kwenda Mali kwenye maziko ya Baba yake, lakini nyota wengine wako fiti na wanaendelea na mazoezi.

Yanga imejichimbia Avic Town ikijiwinda na mchezo wa kesho ambao wengi wanautazama kama mchezo wenye maamuzi ya Ubingwa wa Ligi Kuu msimu huu.

“Mshery bado anaendelea na matibabu na Doumbia taarifa yake nafikiri kila mtu ameipata. Yuko Mali kwenye maziko Lakini wengine wote waliobaki wako fiti kwa ajili ya kuipambania timu kesho,” alisema Kaze.