Kocha Kaze
Zikiwa zimebaki siku 12 tu, kabla ya mchezo wao wa kwanza dhidi ya Rivers United ya Nigeria, benchi la ufundi la Yanga limeweka wazi kuwa umeweka ratiba ya mazoezi makali ambayo itaanza mara tu baada ya ratiba ya mchezo wao wa leo Jumanne dhidi ya Kagera Sugar.
Yanga jana Jumanne walishuka kwenye Uwanja wa Azam Complex, kuvaana na kagera Sugar katika mchezo wa Ligi Kuu Tanzania Bara (NBCPL) ambapo Yanga walifanikiwa kuichapa Kagera bao 5-0..
Kwenye mashindano ya Kombe la Shirikisho Afrika Jumatano iliyopita ilifanyika droo ya hatua ya robo fainali ambapo Yanga wamepangwa kuvaana na Rivers United ya Nigeria huku wakianzia ugenini nchini Nigeria Aprili 23, mwaka huu.
Akizungumza na #TanzaniaWeb, Kocha Msaidizi wa Yanga, Cedric Kaze alisema: “Tumepangwa kucheza dhidi ya Rivers United katika ratiba ya michezo yetu miwili ya Robo Fainali ya Kombe la Shirikisho Afrika na kwa kuwa tunataka kuhakikisha tunafuzu hatua ya nusu fainali, tayari tumeanza maandalizi ya awali ya mchezo huo.
“Tuna ratiba ya michezo ya mashindano ya ndani lakini tunafahamu mchezo dhidi ya Rivers hauko mbali hivyo tunatarajia kuanza mara moja program ya kujiandaa na mchezo huo mara tu baada ya kumalizana na Kagera.”