Huyu ndio Pacôme Zouzoua, 'Zidane' mpya wa Yanga

Jana Julai 19 Majira ya saa tano usiku Klabu ya Yanga ilimtambulisha Kiungo Pacôme Zouzoua kutoka Klabu ya ASEC Mimosas ya nchini Ivory Coast kujiunga na Yanga kwa Mkataba wa miaka miwili.

Usajili huo umepokelewa kwa shangwe na Mashabiki wa Yanga pengine kutokana na ubora wa Pacome aliouonesha msimu uliopita akiwa na Klabu yake ya ASEC Mimosas.

Sasa wengi watajiuliza Pacôme Zouzoua ni nani hasa? Tanzania web tumekuchambulia kwa ufupi Wasifu (CV) ya mchezaji huo ambae pia kwa jina jingine anatambulika kama 'Zidane" akifananinishwa na Zinedine Zidane kutokana na vitu vya hatari anavyofanya akiwa Uwanjani.

Kuzaliwa: 30.03.1997 (25)

Utaifa: Ivory Coast

Kimo: mita 1,80 (futi 5 inchi 9)

NAFASI UWANJANI

Kiungo wa kati (CM)

Kiungo wa ulinzi (CDM)

Kiungo Mshambuliaji (CAM)

MSIMU ULIOPITA

Amefunga magoli 7

Pasi za mwisho (Assist) 4

TIMU ALIZOPITA KATIKA CAREER YAKE

ASEC Mimosas

Africa Sports

Daugavpills

SC Gagnoa

Sparta Prague B.

Pacôme Zouzoua ndio Mchezaji Bora wa Ligi Kuu ya Ivory Coast msimu uliopita 2022/23.

Mpaka sasa Yanga ina wachezaji watatu iliyowasajili kutoka ASEC Mimosas ambao ni;

Pacôme Zouzoua

Stephane Aziz Ki

Yao Attohoula

Kubwa kuliko yote, Taarifa Kutoka Ivory Coast zinatuambia ukiachana na mashabiki kuishabikia ASEC Mimosas kama timu, Pacome Zouzoua huwa ana kijiji chake.

Kuna kundi la watu wanaojiita mashabiki wa Zouzoua. Wao huwa wanapiga kelele na shangwe kila Zouzoua anapogusa mpira.Popote alipo, wapo.

Hawa hapa ni miongoni mwa kundi la mashabiki wa Pacome Zouzoua.