Afisa Habari wa Yanga, Ali Kamwe aliahidi watamtangaza Mchezaji anaevaa Jezi namba 6
Macho na masikio ya wapenzi wa soka nchini yote yapo Jangwani, kubwa wakitaka kujua Wananchi wanamtambulisha mchezaji gani atakaevaa jezi namba 6 mgongoni.
Hamu na shauku hiyo inakuja kutokana na sifa zilizoanza kutangazwa majuma kadhaa juu ya uwezo wa mchezaji huyo atakaerithi namba ya jezi iliyoacha nwa kiungo fundi Feisal Salum alietimkia Azam FC.
Sasa kwa mujibu wa Afisa Habari wa Yanga, Ally Kamwe alipozungumza katika mkutano na Waandishi wa Habari wiki iliyopita alitamka kuwa mpaka kufikia leo Jumanne Julai 18 watakuwa wameshamweka hadharani mchezaji huyo atakaepeleka maumivu kwa watani zao wa jadi upande wa pili.
Bila shaka kwa kauli hiyo kabla siku ya leo haijaisha tutashuhudia utambulisho wa mvaaji nwa jezi namba 6 katika kikosi cha Yanga.
Kwako Mwananchi weka bando na hakikisha umewasha Data. Vilevile tupe maoni na utabiri wako unahisi ni nani atakaetambulishwa na Yanga leo?