Anachokifanya Moloko, Niyonzima alifanya sana!

Hakuna mashaka kuwa Jesus Moloko yupo kwenye kiwango bora sana kwa sasa kuliko siku nyingi zilizopita.

Amekuwa msaada mkubwa kwa Yanga kwa sasa na bahati nzuri kwake amekuja juu katika wakati ambao Yanga inamhitaji sana! Ukitazama takwimu za msimu mzima unaweza kuguna kidogo! Kiujumla ana magoli 3+ na pasi 3+ za mwisho!

Si namba zinazotisha sana lakini ukimuona uwanjani anakupatia sababu nyingi za kuwa kikosi cha kwanza! Uwezo wake wa kulinda ‘structure’ ya Yanga kiwanjani hasa akicheza na Djuma Shaban ni wa juu sana!

Hakuwa kwenye kiwango kizuri sana mwanzoni mwa msimu lakini kwa sasa mechi 4 mfululizo anacheza kwa kiwango cha juu sana!

Sababu? Inawezekana ndio daraja lake lakini kumbuka anamaliza Mkataba wake na Yanga SC! Hapa kuna somo dogo tu! Kwa sasa ukiwaambia mashabiki wa Yanga Moloko anaondoka utatumia dakika kadhaa uwaeleweshe! Simply? Ameongeza kiwango kwenye dakika za mwisho za uhai wa mkataba wake!

Bila shaka kubwa…! Ataongezewa mkataba kwa sababu ameongeza thamani yake ndani ya siku kadhaa! Pale pale Yanga kuna wazawa wanaomaliza mikataba yao! Bahati mbaya hakuna mfano sahihi wa aliyeinuka haraka kuongeza thamani hasa kwenye dakika hizi.

Nabi aliwasema sema baada ya mechi na KMC lakini wanashtuka basi? Anachokifanya Jesus Moloko alikuwa anakifanya Niyonzima, dakika za mwisho za Mkataba anakiwasha hasa! Aiseee…! Wazawa wetu wanashtuka kweli? Wasalaam!