Daladala Arusha wafanya mgomo

Madereva wa Daladala Mkoani Arusha wamefanya mgogmo kutoa huduma ya usafiri leo kwa kile wanachodai kuwa ni kuingiliwa katika kazi yao na madereva Bajaji ambao wanafanya kazi kama daladala.

Idadi kubwa ya wanafunzi na watu wazima wamekuwa wakitembea kwa miguu na wengine wakiwa tu vituoni wakiwa hawajui cha kufanya.

Hali hiyo imeonekana eneo la Kwa Morombo jijiji Arusha ambapo madereva hao wamesema mgomo huo gauna kikomo mpaka watakapopata utatuzi wa tatizo hilo kwani Bajaji wamekuwa wakiingilia njia zao huku wananchi wakilazimika kutumia usafiri wa maguta kuingia mjini.

Njia ambazo kuna mgomo ni kutoka daladala za kutoka Morombo kwenda Mjini, daladala za kutoka Engo kuelekea Mjini. Daladala za kutoka Uswahili kwenda Mjini. Ngusero kwenda Mjini.

Ndani ya Kituo cha Daladala cha Kilombero hakuna daladala kabisa, Bajaji na bodaboda ndio zinafanya kazi tu na hazitoshelezi abiria ni wengi.

Aidha, madereva Bajaji wamepandisha bei kutoka Tsh. 500 hadi Tsh. 1,000 kwa safari moja.