Babu wa miaka 70 akutwa amejinyonga chooni

Mzee anayekadiriwa kuwa na umri wa miaka 70 ambaye amefahamika kwa jina moja la mzee Matonya mkazi wa mtaa wa Chakula Bora, Kata ya Manzese, wilaya ya Ubungo amekutwa amejinyonga mpaka kufa chooni kwake usiku wa kuamkia leo Septemba 22, 2023 huku chanzo chake hakijajulikana.

Akiongea nasi, mwenyekiti wa mtaa huo Oddo Ramadhani amethibitisha tukio hilo kutokea kwenye mtaa wake na kusema wamejua asubuhi ya leo baada ya mke wa marehemu kurudi kazini kukuta mlango umefungwa na baada ya kuvunja ndipo wakakuta amejinyonga chooni.

Baadhi ya majirani wamesema mzee huyo alikuwa anatumia muda mwingi kushinda ndani kutokana na matatizo yake ya kuumwa hivyo hawajui sababu iliyompelekea kujinyonga.