Apigwa risasi kwa kuangusha gari

Dereva wa gari aina FIAT linalotumika kubebea magogo maeneo ya Ngaramtoni wilaya ya Arumeru mkoani Arusha, Silasi Rajabu anadai amepigwa risasi ya mkono na boss wake kwa tuhuma za kuliangusha gari hilo korongoni baada ya kufeli break wilayani humo.

Silas anasimulia kuwa kabla ya tukio alimwambia boss wake kuwa gari hilo ni bovu na linahitaji matengenezo, lakini boss huyo alishinikiza gari hilo liendelee kufanya kazi bila matengenezo.

Aidha Silas amesema alilazimika kurukia nje ya gari baada ya gari hilo kuanza kupoteza mwelekeo.

Hata hivyo Silas ameeleza kuwa ameshangazwa na kitendo cha boss wake kuanza kumkimbiza mtaani huku akifyatuliwa risasi na mkono wake kudhurika.