Ajaribu kujiua baada ya kumuua mpenzi wake

Elkana Korir ambaye ni Mwanafunzi wa mwaka wa tatu katika Chuo Kikuu cha Eldoret nchini Kenya, amelazwa katika Hospitali ya Mafunzo na Rufaa ya Moi, ikidaiwa kuwa alijaribu kujiua kwa kujichoma kisu baada ya kumuua kwa kumchoma kisu mpenzi wake.

Mwanafunzi huyo wa kiume alikutwa akiwa amelala kwenye damu kando ya mwili wa mpenzi wake, ambaye naye ni mwanafunzi wa mwaka wa pili kwenye Chuo hicho, katika nyumba yake iliyopo eneo la Sogomo, mjini Eldoret.

Polisi wanaendelea na uchunguzi kubaini chanzo cha tukio hilo.