Rais Samia: Upole si ujinga

Rais wa Jamhuri ya Muungano wa Tanzania, Mhe. Dkt. Samia Suluhu Hassan amesema mabadiliko madogo ya Baraza la Mawaziri na Makatibu Wakuu aliyoyafanya sio adhabu bali ni mabadiliko ya kawaida ya kuimarisha maeneo ya utendaji kazi.

Dkt. Samia ameyasema hayo leo Septemba 01, 2023 wakati wa uapisho wa viongozi wateule Ikulu ndogo ya Tunguu, Zanzibar leo September 01,2023 “Mlipoanza kuapa mmesema Mimi fulani fulani naahidi umma kwamba nitakuwa Mzalendo n.k, sasa kile kiapo mnaweza kuona mmeapa tu kwasababu Jaji Mwangesi anataka muape, hapana, ni kiapo ambacho hata Mungu anakisikia naomba mkatimize kiapo chenu” amesema Dkt Samia

“Mabadiliko haya ni adjustment , maendeleo lazima yawe na bandika bandua, kaza nati fungua, toa nati hii weka hapa ndio maana ya mabadiliko haya lakini tukikaa wenyewe (Kwenye kikao kazi) nitawaeleza kiundani”

“Kwa wale wapya Jerry Silaa na wengine nadhani mnayaona yanayotokea Bungeni na mmekuwa mkipaza sauti kubwa kwa Mawaziri sasa yale mliyokuwa mnapaza kwa Mawaziri mnakwenda kuyafanya nyinyi, wanasema ukitaka uhondo wa ngoma...? sasa mpo kwenye ngoma tunatarajia mcheze kwelikweli na mlete yale mabadiliko mliyokuwa mkiyahoji"

"Mabadiliko haya sio adhabu, ni mabadiliko ya kawaida ya kuimarisha maeneo yetu, natarajia commitment na utumishi, sisi ni Watumishi wa Watu sasa kuna mwingine akipata uteuzi anajiona eeh atanijua Mimi ni nani

"Sisi ni Watumishi wa Watu, katika utumishi mahusiano ni jambo zuri sana, ukijipandisha unataka kukaribia Mbinguni hautotumikia Watu. Naombeni sana upole si ujinga upole ndiyo maarifa, mkatulie mkawatumikie watu," amesema Rais Samia Suluhu.