Zlatan ahoji kama Ten Hag anaweza kuinoa Man United

Wakati Manchester United ikishika nafasi ya 10 kwenye Premier League, presha inaanza kujengeka kwa kocha huyo wa zamani wa Ajax.

Kulingana na Ibrahimovic, ambaye alichezea Ajax na United katika maisha yake, shinikizo la Old Trafford ni tofauti kabisa na la Uholanzi na hana uhakika kama Ten Hag ana sifa zinazofaa kusimamia klabu yenye hadhi ya United na kushughulikia nyota wenye majina makubwa.

Akizungumza na Piers Morgan kwenye Talk TV, Ibrahimovic alisema: “Ajax ni klabu yenye vipaji. Wana vipaji bora katika klabu. Hawana nyota kubwa.

“Je, uzoefu wa kocha huyu ni upi? Vijana wenye vipaji. Anakuja United, ni mawazo tofauti, wachezaji tofauti.

“Wachezaji hapo wanatakiwa kuwa nyota wakubwa. Yuko katika hali tofauti. Ninaweza kufikiria akitokea Ajax kuja United ni tofauti kubwa, kwa sababu nimekuwa katika klabu zote mbili.

“Ni aina tofauti ya mtazamo.

Hapo una aina tofauti ya nidhamu na unakuja United na kufanya jambo lile lile… siamini ni jinsi anavyofanya.”

Mshambuliaji huyo wa zamani alishinda Ligi ya Europa na Kombe la Carabao wakati akiwa na Mashetani Wekundu na ana wasiwasi kwamba Ten Hag hana uwezo wa kukidhi kikosi cha nyota, badala ya wachezaji wa hivi punde aliocheza nao Ajax.

“Uzoefu wa kocha huyu ni nini? Vijana wenye vipaji, anakuja United, ni mawazo tofauti. Wachezaji wanatakiwa kuwa nyota wakubwa. Sidhani kama unafanya hivyo.