Ziyech aipeleka Chelsea 16 bora UEFA

Bao pekee la Hakim Ziyech dakika ya 56 limeipa Chelsea ushindi wa 1-0 dhidi ya wenyeji, Malmö FF katika mchezo wa Kundi H Ligi ya Mabingwa Ulaya usiku wa Jumanne Uwanja wa Eleda mjini Malmö.

Chelsea inafikisha pointi tisa na kuendelea kushika nafasi ya pili nyuma ya Juventus yenye pointi 12 na mbele ya Zenit yenye pointi tatu, wakati Malmo inaendelea kushika mkia baada ya kufungwa mechi zote nne.

Timu mbili kutoka katika kila kundi ndizo zitakazosonga mbele hatua ya 16 bora ya Ligi ya Mabingwa Ulaya.