Zidane: Nina Klabu Mbili au Tatu Ninaweza kwenda

Aliyekuwa meneja wa Real Madrid, Zinedine Zidane ameshindwa kukanusha juu ya kuhusishwa kwake na klabu ya Paris Saint-Germain na kusisitiza kuwa anaweza kwenda kwenye klabu mbili au tatu.

Kwa mujibu wa Fabrizio Romano, Zidane alinukuliwa na L’Equipe akisema, kama kocha wa kiwango chake, kuna kazi chache tu zinazomfaa na hizo itakuwa ni ujinga kukataa moja kati ya klabu kubwa barani Ulaya.

“Kamwe usiseme hapana, Kama meneja, hakuna vilabu 50 ambapo ninaweza kwenda. Kuna uwezekano wa klabu mbili au tatu.” – Zinedine Zidane

Zidane alikuwa akitajwa kwenye orodha ya warithi wa kuchukua nafasi ya Mauricio Pochettino huko Parc des Princes msimu huu wa joto kabla ya Muargentina huyo kutimuliwa na wengi.

Lakini inaonekana kuna jambo tofauti wakati PSG wakiwa wamemgeukia kocha wa Nice Christophe Galtier.

Rekodi ya ushindi ya Galtier ni ya kuvutia – aliiongoza Lille kutwaa taji la Ligue 1 msimu wa 2020/21, akiishinda PSG katika wakati huo.

Lakini rekodi ya Zidane ni mara dufu, haswa kwa Ulaya. Mfaransa huyo aliiongoza Real Madrid kutwaa mataji matatu mfululizo ya Ligi ya Mabingwa kati ya 2016 na 2018, jambo ambalo hakuna kocha aliyefanikiwa katika zama hizi.