Yusuph Dabo: Hatutarudia makosa Ligi Kuu

Kocha Mkuu wa Azam FC, Yusuph Dabo, amesema watafanyia kazi makosa yaliyojitokeza kwenye mchezo wao dhidi ya Singida Fountain Gate ili kuendelea kupata ushindi.

Timu hiyo imeanza maandalizi kuelekea mchezo ujao wa Ligi Kuu Tanzania Bara dhidi ya Dodoma Jiji unaotarajiwa kuchezwa Oktoba 3, mwaka huu kwenye Uwanja wa Jamhuri, Dodoma.

Dabo amesema kuwa kwenye mchezo wao dhidi ya Singida Fountain Gate, walikutana na ushindani mkubwa licha ya kushinda 2-1.

Dabo amesema: “Ulikuwa mchezo mgumu dhidi ya Singida Fountain Gate, mwisho tulipata ushindi, hivyo kazi yetu ni kuelekea kwenye mchezo ujao, tunaamini tutafanya kazi kubwa kwa mechi zijazo.

“Kushindwa kupata matokeo mazuri kwenye kipindi cha kwanza inatufanya tuendelee kutafuta matokeo bora mpaka mwisho wa mchezo.”