Yaya ataka mameneja zaidi weusi kufunza Ulaya

Mchezaji wa zamani wa Ivory Coast Yaya Toure anatumai kuwa yeye na kaka yake Kolo wanaweza kuwasaidia wakufunzi weusi kujiunga na zaidi mchezo wa kulipwa.

Kiungo huyo wa zamani wa Manchester City na Barcelona alikuwa na muda mfupi wa kufundisha nchini Ukraine na Urusi kabla ya kujiunga na Tottenham kama mkufunzi wa Vijana wa timu ya wachezaji wasiozidi umri wa miaka 16 2022.

Toure, 40, aliondoka Spurs mwezi Juni na kuwa kocha msaidizi katika klabu ya Standard Liege ya Ubelgiji.

"Nataka kuona utofauti," Toure aliambia podikasti ya "Meneja Bora wa Afcon" kwenye BBC Mechi Bora ya Siku Afrika."Mara nyingi watu wamehoji ikiwa Waafrika au makocha weusi wataweza kuchukua masomo ipasavyo na kushiriki katika majukumu ya usimamizi.

"Nadhani sasa watapata jibu hivi karibuni."Ndugu yangu alikuwa wa kwanza - alianza [kufundisha], na mimi nilikuwa wa pili. Hebu tuone. Ninajipa changamoto katika kiwango cha juu Ulaya na tutaona kama fursa zitakuja."