Yanga yawatumia salam Mashujaa FC

Club ya Mashujaa kutoka Mkoani Kigoma kupitia page yao ya Instagram wameshare ujumbe ukisisitiza kuomba kuanza kucheza na Club ya Yangasc kwenye Ligi kuu Ya Nbc ili wamkaribishe Kocha Mpya wa Yanga.

Ikumbukwe kuwa, Mashujaa wamepanda Ligi Kuu juzi baada ya kuwafunga Mbeya City kwenye mchezo wa PlayOff wanaitaka Yanga Bingwa wa Kihistoria mara 29.

Akijibu kuhusu hilo, Msemaji wa Klabu ya Yanga, Ally Kamwe amesema; "Sisi tunataka mtu yeyote aje, lakini mtoto huyu wembe ameulilia, sisi tupo tayari kwenda kumpatia huo wembe palepale Lake Tanganyika.

"Kwa sababu msimu ujao ni msimu wa raha, tunataka tukazianzie palepale ambapo hakukuwa na timu kwenye Ligi Kuu. Hawa mashujaa si kidogo ngumi? Hawa? Basi ni suala la muda tu," amesema Kamwe.