Yanga yampata mbadala wa Lomalisa

Beki wa kushoto wa Yanga SC, Joyce Lomalisa Mutambala raia wa Congo DR huenda akawa si sehemu ya kikosi hicho kwa msimu ujao.

Taarifa kutoka chanzo chetu cha ndani zinaeleza kuwa, Lomalisa ambaye anamaliza mkataba wake mwishoni mwa msimu huu, licha ya Yanga kumpatia mkataba wa mwaka mmoja lakini ameuomba Uongozi wa Yanga kuondoka kwenda kutafuta changamoto sehemu nyingine.

Tayari mabosi wa Yanga wameshaanza mazungumzo na Ibrahim Imoro raia wa Ghana ambaye amewahi kukipiga Asante Kotoko na Al Hilal sasa atatua Jangwani kurithi mikoba ya 'Waziri wa Maji'.

Imoro alivunja mkataba na klabu ya Al Hilal kutokana na vita vinavyoendelea nchini Sudan na anatarajiwa kuanza mazoezi hivi karibuni na Klabu ya Yanga ili kurudisha utimamu wa mwili kabla ya kusajiliwa rasmi katika msimu ujao.