Saido Ntibazonkiza amefunga goli moja na kutoa pasi ya goli moja
Licha ya ugumu wao katika Dimba la Manungu Turiani Mkoani Morogoro, Timu ya Mtibwa Sugar imekubali kichapo cha magoli 2-0 kutoka kwa Yanga.
Mchezo huo wa Ligi Kuu ya NBC Ligi raundi ya 15, umeshuhudia Yanga wakigitimisha Raundi ya Kwanza ya Ligi pasipo kupoteza mchezo.
Magoli ya Saido Ntibazonkiza Kipindi cha kwanza dakika ya 45+6 na Fiston Mayele dakika ya 67 yametosha kuwanyamazisha Mtibwa Sugar ambao katika Uwanja wa Manungu walikua na rekodi nzuri sana.
Kwa Ushindi huo, Yanga imeendelea kujikita kileleni wakikusanya alama 39 baada ya kushuka dimbani katika michezo 15, wakitofautiana na anayekamata nafasi ya Pili kwa alama 8.
Katika mchezo wa Leo Yanga walishuhudia kurejea kwa beki wake wa kulia Djuma Shaban alesimamishwa kwa michezo mitatu.