Yanga yaiwinda KMC

Kikosi cha timu ya Yanga, jana Jumatano kimefanya mazoezi ya mwisho Avic Town, kabla ya leo kuanza safari kuelekea Morogoro kuikabili KMC.

Young Africans SC ambayo ipo kileleni mwa msimamo wa Ligi Kuu ya NBC ikikusanya pointi 40, Jumamosi ya wiki hii Februari 17, 2024 itakuwa ugenini kupambana na KMC.

Mchezo huo wa kwanza katika mzunguko wa pili wa ligi hiyo, unatarajiwa kuchezwa Uwanja wa Jamhuri, Morogoro.

Mpaka sasa, wachezaji wote wapo fiti kwa ajili ya mchezo huo, huku tukimkosa kipa Metacha Mnata pekee anayeitumikia adhabu ya kadi nyekundu.