Yanga yatinga Robo Fainali Kombe la Azam Sports Federation
Mabingwa watetezi wa Kombe la Shirikisho la Azam Sports Federation, Timu ya Yanga ya Jijini Dar es Salaam imefanikiwa kusonga mbele hatua ya ya Robo Fainali ya Michuano hiyo baada ya kuichapa Tz Prisons mabao 4-1.
Mchezo huo uliopigwa katika Uwanja wa Azam Complex Chamazi umeshuhudia mchezo wenye ushindani mkubwa tangu dakika ya kwanza ya mchezo.
Licha ya magoli mengi kupatikana katika mchezo huo lakini yote yamepatikana katika dakika 45 za kipindi cha pili baada ya kwenda mapumziko wakiwa 0-0.
Kipindi cha kwanza mwishoni Tz Prisons walipata pigo baada ya mchezaji wao Abraham Ibrahim kuoneshwa kadi ya pili ya njano kisha nyekundu.
Kwa tukio hilo Prisons walijikuta wakiwa na ,mzigo mzito kwa zaidi ya dakika 45 wakicheza pungufu.
Mabao ya Yanga katika mchezo wa leo yamefungwa na Nahodha Bakari Mwamnyeto, Clement Mzize aliefunga mabao mawili na Stephen Aziz Ki aliefunga kwa mkwaju wa penati.
Bao pekee la Prisons limefungwa na Jumanne Alifadhili.
Kwa ushindi huo Yanga inakwenda kuungana na timu zilizokwishajikatia tiketi ya kutinga hatuaya Robo Fainali ya michuano hiyo ambazo ni Simba, Singida Big Stars, Geita Gold.