Yanga yafurushwa Mapinduzi Cup

Yanga SC yaaga rasmi michuano ya 18 ya Kombe la Mapinduzi, kufuatia kipigo cha mabao 1-3 dhidi ya APR ya Rwanda.

Katika Uwanja wa New Amaan Complex, hatua ya robo fainali, timu zote mbili ziligawana vipindi. Kipindi cha kwanza, @yangasc walianza kutawala mchezo na kuandika bao dakika 23 lililofungwa na Jesus Moloko pasi ya Clement Mzize.

Kiwango muruwa cha Gift Fredy na pacha wake, Hamis Nanguka na kulifanya lango la Yanga kuwa imara hadi mambo kubadilika aherini mwa kipindi cha kwanza.

Dakika 45+3 Soulei Sanda @aprfcofficial jezi namba 15 mgongoni akafanya ubao usomeke 1-1.

Kipindi cha pili kikaanza kwa mabadiliko, akatoka, Joyce Lomalisa na kuingia Nickson Kibabage, mabadiliko ambayo kwa kiasi fulani yakaipa uimara APR na kufanya kutawala mchezo.

Dakika 48, APR wakaandika bao kwa njia ya penalti, mfungaji ni Victor Mbaoma jezi namba 29.

Dakika 79, supersub, Sharaf Eldin 'Shiboub' anaandika bao la tatu kwa APR na kufanya ndoto za wababe wa Jangwani kuyeyuka mithili ya barafu juani.

Dakika 90' Yanga 1-3 APR, mshindi anasonga mbele hatua ya nusu fainali, kuvaana na Mlandege FC, waliotangulia kwa ushindi wa penalti katika robo fainali ya awali dhidi ya KVZ.