Yanga watua kibabe Misri, wanautaka mchezo Ijumaa

Msafara wa Yanga umeshawasili nchini Misri kwa ajili ya kuivaa Al Ahly kwenye mchezo wao wa mwisho wa hatua ya makundi ya Ligi ya Mabingwa Afrika.

Yanga wanakwenda kuikamilisha mechi hiyo wakiwa na alama zao 8 kwenye msimamo wa kundi D huku Al Ahly wakiwa na alama 9 hivyo mechi hiyo itaamua nani anaogoza kundi hilo.

Yanga wanataka kushinda ili waongoze kundi hilo na wapate faida ya kuanzia ugenini katika mechi za robo fainali na kumalizia nyumbani. Mechi itapigwa Ijumaa saa 1:00 usiku.