Yanga imeibuka na ushindi wa jumla wa mabao 4-1
Wawakilishi Pekee wa Tanzania katika Michuano ya Kimataifa, Timu ya Yanga imefanikiwa kutinga hatua ya Fainali ya Kombe la Shirikisho Afrika baada ya kuiondosha Timu ya Marumo Gallants ya Afrika ya Kusini leo Mei 17.
Mchezo huo wa mkondo wa pili wa Nusu Fainali umepigwa katika Uwanja wa Royal Bafokeng umewaahuhudia Yanga wakiibuka na ushindi wa Mabao 2-1.
Ushindi huo umeifanya Yanga kupita kwa jumla ya mabao 4-1 baada ya mchezo wa awali uliopigwa katika Dimba la Mkapa kuibuka na ushindi aa mabao 2-0.
Mabao ya Yanga katika mchezo wa leo yamefungwa na Fiston Mayele kipindi cha kwanza dakika ya 45 akipokea pasi kutoka kwa Kennedy Musonda na bao la pili likifungwa na Kennedy Musonda dakika ya 63 akipokea pasi kutika kwa Fiston Mayele.
Bao pekee la Marumo limepatikana dakika za nyongeza liliwekwa wavuni na Mshambuliaji hatari Ranga Chivaviro dakika ya 90+1.
Mpaka sasa Fiston Mayele ana mabao 6 sawa na Chivaviro katika orodha ya wapasia nyavu Kombe la Shirikisho.
Kwa ushindi huo Yanga inamsubiri mshindi kati ya USM Algier dhidi ya ASEC Mimosas.