Yanga washusha fundi wa kuwasoma wapinzani

Yanga imejishtukia, kwani baada ya kutambua mechi za hatua ya makundi ya Ligi ya Mabingwa Afrika sio mchezo, imeamua kushusha mtaalamu mpya wa kusoma wapinzani.

Mabosi wa Yanga katika kuhakikisha wanamrahisishia kazi Kocha Miguel Gamondi wamemleta mtaalamu wa kusoma mchezo (video Analyst), ili kuliongezea benchi la ufundi la timu hiyo.

Fundi huyo mpya ni Mpho Maruping kutoka Afrika Kusini anayeungana na wataalamu wengine kikosini kujiandaa na vita ya mechi ijayo dhidi ya Medeama katika dimba la Benjamin Mkapa.