Yanga wanaizidi Simba - Mchambuzi

Mchambuzi wa masuala ya soka nchini kutoka East Africa Radio, Samwel Rashid mwenyewe anajiita Wakanda Republic amesema kuwa Kikosi cha Yanga kinaizidi Simba SC vitu vichache, hivyo wanayo faida ya kushinda mchezo wao wa dabi.

Wakanda amesema hayo wakati akizungumza kuelekea mchezo wa Ligi Kuu ya NBC kati ya Simba na Yanga utakaopigwa Jumapili ijayo, Novemba 5, 2023 katika Dimba la Mkapa.

"Hivi sasa tunaenda kwenye Derby, Simba yupo kwenye form nzuri na Yanga yupo kwenye form nzuri, kwa hiyo kutabiri moja kwa moja kwamba timu hii inaingia kwenye mechi hii ikiwa na faida kubwa kuliko mwenzie inakuwa ni ngumu.

"Lakini tukianza kutafuta factors ndogo ndogo sasa za uwanjani namna ambavyo timu inacheza, inavyopata magoli, utaona mzani unaelemea kwenye upande mmoja.

"Tukija sasa kwenye Form na Flow ya mchezo obviously mzani utauweka kwenye upande wa Yanga, kwenye mzani wa display, namna timu inavyocheza, flow ya mchezo unaweza ukampa Yanga," amesema Wakanda Republic.