Aziz Ki
Mchambuzi wa soka nchini Saleh Ally 'Jembe' amesema kuwa Yanga wanapaswa kumwamini kiungo mshambuliaji wao, Aziz Ki badala ya kumshuhsia lawama awapo uwanjani kutokana na kutowapa kile walichokitarajia wakati wakimsajili.
Jembe amesema hayo wakati akizungumzia usajili wa Yanga iwapo wanapaswa kuongeza kiungo mshambuliaji mwingine katika eneo la katikati baada ya kuona kiwango cha Mburkinabe huyo aliyesajiliwa Jangwani mwanzoni mwa msimu uliopita.
"Aziz Ki bado ana nafasi ya kufanya vizuri ndani ya Yanga, na klabu iendelee kumvumilia baada ya kutofanya vizuri msimu uliopita.
"Yupo pia Mudathiri ambaye pia anafanya vizuri kwenye nafasi hiyo. Nadhani Yanga huenda wanampa nafasi Kocha Gamondi kufanya maamuzi akishafika na pengine kupanga nani acheze wapi kutokana na usajili atakaokuwa amefanya na mhaitaji ya mechi.
"Hatujui huenda Yanga wamesajili namba 10, kwa vile bado hawajatangaza wachezaji wao wote waliowasajili kwa ajili ya msimu huu, acha tuendelee kusubiri tuone," amesema Jembe.