Kiungo wa Yanga, Mudathir Yahaya
Mwanzoni kabisa mwa msimu uliopita, Nabi alikuwa anaanza na Bangala kama kiungo wa ulinzi, kisha juu yake anamuweka Khalid Aucho agawe tiba kwa mguu wake wa kushoto.
Katika benchi alikuwa na kiungo bora wa ulinzi wa msimu wa nyuma, Tonombe Mukoko. Hata siku alipohitaji kiungo mwingine wa ulinzi bado alimchagua Zawadi Mauya kabla ya Mukoko.
Sababu kubwa zaidi ni kwamba Nabi alihitaji kiungo anayeweza kujihusisha zaidi na mchezo timu inapomiliki mpira. Tonombe unamuhitaji zaidi wakati ambao hamna mpira!
Baada ya kumpata Sureboy na msimu huu kuongezeka master key, Aziz Ki hapo alikuwa na hakika ya kuanza na Aucho katika kiungo wa ulinzi kisha mbele yake anaanza na Fei Toto au Sureboy.
Suala lilikuwa ni 'back up' ya Aucho siku anayokosekana. Bado Yanga hawakuwa na kiungo wa uhakika kutuliza kiungo kama anavofanya Khalid Aucho.
'Option' nzuri ilikuwa Bangala kwenda katikati au Fey kurudi nyuma. Kiungo mzuri sana Zawadi Mauya haaminiki katika 'mission' ngumu.
Mudhathir Yahya anakwenda kumpa Nabi kitu alichokikosa siku aliyomkosa Khalid Aucho. Mudhathir anaweza kujihusisha zaidi na mchezo kuliko Zawadi Mauya. Muda ni kiungo wa shoka!