'Yanga wakitolewa mapema Klabu Bingwa itakuwa kituko cha mwaka'

Mchambuzi wa masuala ya soka Hans Rafael amesema, Yanga SC wana kikosi chenye wachezaji wenye ubora hivyo ni nadra kutolewa katika hatua ya awali.

Hans amesema kwa ukubwa na uwekezaji waliofanya Yanga wakitolewa na Asas Fc ya Djibouti itakuwa ni kituko cha mwaka.

"Kwa uwekezaji walioufanya Yanga na Asas ni ardhi na mbingu, Yanga wapo juu sana. Labda kwenye hatua ya pili watakapokutana na Al-Merrikh kama itamtoa na Ottoho.

"Al- Merrikh inaweza kuwa sawa na Yanga au imewazidi Yanga. Wao wamechukua ubingwa wa Shirikisho na wamecheza fainali za Shirikisho Afrika," alisema Hans.

Kwenye michuano hiyo ya Mabingwa Afrika, Yanga ataanza kukipiga na Asas kisha akishinda, atacheza na mshindi wa kati ya Al-Merrik au Ottoho na akishinda hapo ndiyo atajihakikishia kuingia makundi.