Yanga wakitoboa kwa Marumo, kazi nyepesi kwa USM Alger na ASEC

Mchambuzi maarufu wa masuala ya soka nchini, Saleh Ally 'Jembe' amesema kuwa iwapo Yanga itafanikiwa kutoboa katika hatua ya nusu fainali ya Kombe la Shirikisho Afrika dhidi ya Marumo gallants basi watakuwa na kazi nyepesi kwenye fainali.

Jembe amesema hayo wakati akizungumza na wanahabari baada ya Klabu ya yanga kufanikiwa kutinga nusu fainali ambapo itakutaka na Marumo.

"Yanga msimu huu imekuwa timu ambayo inashinda ugenini. Yanga ni timu ambayo kwa sasa kushinda ugenini ni jambo linalowezekana. Kama watakwenda na mwendo huu na wakaongezea ubora watafanya vizuri.

"Unapotoka kwenye makundi unatakiwa ubadili mtazamo, hiyo kwa Yanga wameifanya. Ninaamini Yanga wanaweza kufika fainali.

"Sidhani kama wakishinda kwa Marumo Gallants wakakutana na USM Alger au ASEC Mimosas, sidhani kama kuna timu hapo ya kuifanya Yanga ichanganyikiwe hasa kama watakuwa wamejipanga, kikubwa wasitangulize dharau," amesema Jembe.