Fundi wa kucheka na nyavu, Fiston Mayele
Timu nyingi zinazoongoza kwenye makundi ya michuano ya Kombe la Shirikishoa hazina rekodi kubwa sana kwenye soka la Afrika.
AS Rabat imefanikiwa kuchukua ubingwa huo mara moja tu mwaka 2005 ikiongoza Kundi C, Rivers ya Nigeria inaongoza Kundi B lakini ikiwa haijafuzu bado, haina makali ikiwa ni timu changa zaidi kwenye michuano hii na haijawahi kufika hatua hii ya robo fainali.
Mwingine ambaye anaweza kukwea juu ni Asec Mimosa nayo inalingana pointi na Rivers lakini ikiwa imeishia Nane Bora kwenye michuano hii ikiwa haina makali sana.
Timu nyingine ambayo haina makali lakini ipo kileleni ni Marumo ya Afrika Kusini ambayo imeanzishwa mwaka 2021 ikiwa ndiyo mafanikio yake makubwa, zote ni kati ya timu ambazo zikikutana na Yanga inaweza kuzichapa na kwenda hatua ya nusu fainali.