Yanga waikimbia Simba, Mapinduzi Cup, watandikwa 3-1 na APR

Yanga SC wametolewa rasmi kwenye mashindano ya Mapinduzi Cup baada ya kupokea kichapo cha goli 3-1.

Mechi ilikuwa live Amaam Stadium visiwani Zanzibar ukiwa ni mchezo wa pili wa Robo Fainali kati ya Yanga na APR ya Rwanda na mpaka kipenga cha mwisho kinalia, Yanga 1-3 APR.

Mchezo huo uliokuwa na ushindani wa aina yake, ulichagizwa na goli la 3 la APR lililofungwa na kiungo Sharaf Shaboub ambaye anaitumikia APR lakini huko nyuma aliitumikia Simba SC na ndiye aliyetupia msumali wa kuwakata roho Yanga.

APR wanaungana na mabingwa watetezi Mlandege ambao nao walifuzu Robo Fainali ya mashindano hayo katika Robo Fainali ya Kwanza iliyochezwa mapema leo.