Yanga waichakaza Mtibwa, Aziz Ki aanza kazi

Dakika 90 zinakamilika katika Uwanja wa Benjamin Mkapa na kuwashuhudia Yanga wakiondoka na alama 3 za muhimu mbele ya Mtibwa Sugar.

Magoli ya Djuma Shaban, Fiston Mayele kipindi cha kwanza na goli la dakika za mwisho la nyota Aziz Ki yanawapa Yanga ushindi wa magoli 3-0.

Ushindi huo wa Yanga unawapeleka kileleni mwa msimamo wa Ligi Kuu Bara wakijikusanyia alama 10 baada ya kucheza michezo 4, huku nafasi ya pili ikikamatwa na Azam FC.