Yanga waanza Ligi na ushindi mnono, wampiga KMC bao 5

Mabingwa watetezi wa Ligi Kuu Tanzania Bara, Klabu ya Yanga imefungua msimu wake wa Ligi Kuu Bara 2023/24 kwa ushindi mnono wa bao 5-0 dhidi ya KMC.

Mchezo huo umepigwa katika Uwanja wa Chamazi Complex umewashuhudia Yanga wakitakata kwa kuonesha soka safi chini ya Mwalimu mpya Miguel Gamondi.

Mabao ya Yanga katika mchezo wa leo yamefungwa na Mlinzi Dickson Job, Stephen Aziz KI, Hafiz Konkoni, Mudathir Yahya na Pacome Zouazoua.

Huu ndio mchezo wa kwanza wa Yanga msimu huu.

Ushindi huu pengine unashusha presha kwa Mashabiki wa Yanga ambao walikuwa wakiilalamikia safu ya ushambuliaji kutofunga mabao ya kutosha