Mshambuliaji wa Yanga Fiston Mayele
Klabu ya Yanga leo inaikaribisha Al Hilal majira ya saa 10:00 jioni kwenye mchezo wa Klabu Bingwa dhidi ya Al Hilal ya Sudan.
Yanga imefanya vizuri mechi zake za awali za Kimataifa dhidi ya Zalan, ambapo mechi zote walicheza katika uwanja wa nyumbani Benjamin Mkapa na kushinda zote hivyo kusonga mbele katika hatua inayofuata.
Ni mechi ambayo Mshambuliaji wa Yanga Fiston Kalala Mayele aliweza kupiga hat-trick. Kesho wataanzia nyumbani dhidi ya timu ya Florent Ibenge huku kocha huyo akiwa mzoefu na ligi ya za Tanzania kwani alishawahi kuja kucheza hapa akiwa na Vita Club.
Kocha huyo amefundisha vilabu mbalimbali na Barani Afrika ni mzoefu amepita kunako RS Berkane, Vita Club, ES Wasquehal na sasa AL hilal.
Yanga wanaenda kwenye michuano hiyo baada ya kukaa kwa muda bila kushiriki michuano hiyo, sasa wameanza vizuri na toka mwaka jana hawajapoteza mchezo wa aina yoyote.
Afisa habari wa timu hiyo Ali Kamwe amesema kuwa timu upo vizuri, wachezaji wote wapo tayari na hawana majeruhi kuelekea mchezo wao wa kesho.