Timu Bora Afrika Mashariki na Kati kwa sasa ni Yanga - Mchambuzi
Mchambuzi wa masuala ya soka nchini kupitia EA Radio, Abissay Stephen amesema kwa maoni yake timu bora ya Soka Ukanda wa Afrika Mashariki na Kati (CECAFA) kwa sasa ni Yanga.
Abissay amesema hayo kufuatia mwendelezo mzuri wa performance ya Yanga kwenye michuano ya ndani na Kimataifa huku akirejea mchezo wa Ligi ya Mabingwa Afrika kati ya Yanga na Al Ahly uliopigwa Jumamosi iliyopita kwa Mkapa na kumalizika kwa sare ya bao 1-1.
"Nataka niwakumbushe tu aliyekuwa anacheza na Yanga SC hapa ni Al Ahly SC, Bingwa wa muda wote wa Afrika, Yanga ku-battle vile na dakika alizotanguliwa na dakika alizochomoa, mimi ninamsifu yeye kwa sababu ile mechi ilikuwa imekwisha potea kwake.
"Quality ambayo amekutana nayo dhidi ya Al Ahly SC ndiyo inafanya tujadili, kuona weakness ya Yanga na huwa hatuzoei kuziona kwa sababu ya daraja alilokuwa nalo na wapinzani wetu Tanzania wengi wako weak hawana lile Daraja.
"Mimi uniamshe usingizini uniulize timu gani bora Afrika Mashariki na Kati nitakujibu Yanga kabla haujamaliza," amesema Abissay Stephen.