Yanga nao kama Simba tu - Oscar Oscar

Wakati ambao mashabiki wa Yanga wanaona kwamba timu yao ina kikosi kipana ila ukiangalia kwa namna walivyocheza leo ni kama vile Simba na kikosi chao cha wachezaji wasiopata nafasi mara kwa mara.

Baada ya Ihefu FC kusawazisha Yanga walipoteana na timu iliyoanza ikafanyiwa mabadiliko ila mwisho wa siku wakafa goli 2-1. Yanga walishindwa kurudi haraka katika shape kutokana na Counter Attack za Ihefu FC ambazo kama wangekuwa makini Yanga walikuwa wanakufa goli 4.

Ihefu walikuwa bora sana kipindi cha pili kwa kuzuia vizuri hasa namna kipa wao Fikirini Bakari alivyokuwa na siku nzuri leo na hata washambuliaji wao Moubaraq Amza na Charles Ilanfiya hawakuwapa uhuru mabeki wa Yanga.

Mabeki wa Yanga walikosa utulivu kwa sababu washambuliaji wa Ihefu walikaba vizuri kuanzia pale juu. Wachezaji ambao hawapati nafasi mara kwa mara pale Yanga viwango vyao vilikuwa chini kama wale wa Simba tu.